飯盒失蹤 立會貼通告

圓頭

飯盒失蹤 立會貼通告
(明報)3月19日 星期四 05:05
【明報專訊】立法會    繼出現疑似「鹹豬手」非禮女記者事件之後，立法會噚日又出現「失豬疑雲」，不過今次係「豬扒飯被偷疑雲」。

提醒小心隨身物品

每逢星期三，立法會記者室就人山人海，唔少記者出出入入，《文匯報》噚日就有攝影記者買咗盒豬扒飯，之後行開咗半個鐘，返嚟竟然唔見咗盒豬扒飯。搵極都無人認係咪食錯咗或者畀「扒手」偷咗，攝記大哥搵勻成間記者室，連垃圾桶都搵埋，最終都搵唔番價值26蚊嘅豬扒飯。唔知係咪經濟差，有人想連26蚊買飯錢都慳番，決定「偷食」呢？

冇幾耐，立法會「大內總管」秘書長吳文華Pauline路過記者室，問攝記大哥使唔使報警，攝記大哥就話唔想搞大件事。Pauline話，要出張通告至得，提醒各人喺記者室唔好亂攞人哋嘅嘢，同埋要小心隨身物品。經濟唔好，唔通「扒手」連豬扒、雞扒、牛扒飯都唔放過，慳得一蚊得一蚊呢？
**********************
這是香港"精英"的場所?

陳闊川

明報的水平真是一天比一天差(汗)