足球評述員黃興桂金句【經典轉貼】

關二哥 · 發表於清·大治二年八月十七日（秋）

黃興桂，（1944年2月26日－，Peter Hing-kwei WONG），人稱「皮蛋黃」、「桂神」。畢業於美國加州大學，曾擔任多支香港甲組足球聯賽球隊教練。

1995年受聘於 ESPN，擔任全職評述員，憑著講波時源源不絕的「金句」和另類風格，輕易成為球迷的話題。他同時是英國球會利物浦的球迷。本來黃興桂籍籍無名，但自從 2005 年開始，他卻一炮而紅，成為網民常常提及的「桂神」。

現職有線電視全職足球評述員及為東方日報撰寫足球專欄，並間中客串新城財經台的節目足球王及為無線北京奧運足球作賽作評述。

金句

黃興桂經常使用另類的句子去表達球賽有多精彩，有時自相矛盾，有時不明所以，為一眾球迷津津樂道。

領先一「粒」（領先一球）
o係今場波邊隊能夠入一「粒」先，果隊就會有優勢（在今場哪支隊伍能夠先進一球，那隊就會有優勢）
呢個罰波係o係右路偏左既位置（這個罰球是在右路偏左的位置）
每隊波都要入“燕梳”既第二球（每支球隊都要進保證勝利的第二球）
現代既足球，係將皮球送入網窩裡面既（現代的足球，是把皮球送進網窩裡面的）
射波最緊要射中個龍門（射球最重要是射中球門）
當一隊波進攻既時候，另一隊就需要去防守
十二碼呢家野呢，有兩個可能性，一係入，一係唔入（點球這回事呢，有兩個可能性，要麼打進，要麼打不進）
呢球波一係入，一係龍門救到，一係出界（這個射門要麼打進，要麼給門將救出，要麼出界）
呢球波，如果冇龍門就入喇（這個射門，如果沒有門將就打進了）
哈哈，龍門最好既朋友係邊個呀？咪係龍門柱囉（門將最好的朋友是誰？就是門柱了）
識轉身既前鋒好值錢（懂得轉身的前鋒很有價值）
後生、有身材、有活力
呢位球員打法好經濟（這位球員踢球的方法很經濟）
睇下隊波肯唔肯打d藍領足球（就看看這支球隊肯不肯踢一些「藍領足球」）
場波已經擺左落雪櫃（這個球賽已經放進冰箱裡去了）
波唔使講架，球迷自己識睇（球賽是不用評述的，球迷自己懂得看）
呢場比賽我只可以用「一個字」黎形容：精彩（這個比賽我只可以用「一個字」來形容：精彩）
西班牙球會奧沙辛拿（Osasuna）=「奧沙桑拿」
英格蘭球會新特蘭（Sunderland）=「新特撚」
D 利物浦球迷唱緊佢地既會歌——你永遠唔會一個人行路（You'll never walk alone）（那些利物浦球迷正在唱他們的會歌——你永遠不會一個人走路）
愛華頓呢隊波蔗渣o既價錢，但係踢出燒鵝o既味道（愛華頓這支球隊用蔗渣的價錢，但是踢出燒鵝的味道）
利物浦的巴路士同列斯的巴基，兩個都係姓巴
保方保方，保住後方；保定保定，保住就定
近排加利仔狀態唔夠 fit 呀，第一佢跑得慢！第二佢唔夠快！第三冇速度！（最近加利仔狀態不夠好啊，第一他跑得慢！第二他不夠快！第三沒有速度！）
呢球波史高斯好有機會入波，但係無機會起腳（這一球史高斯很有機會進球，但是沒機會起腳射門）
呢球波碧咸傳得好靚架，不過前面羅唔到咋嘛（這一球貝克漢其實傳得很好，不過前面的隊友接不了而已）
哈素賓基個名咁長，個Shoulder冇返咁橫都印唔晒個名（哈素賓基的名字這麼長，肩膀沒這麼橫也印不了整個名字在球衣上）
（舒利亞控球失誤）唉，舒利亞老喇（舒利亞入球後）舒利亞不愧為一個一級射手，拖住疲乏既身軀，仍然能射入一球
今日藍色波襪踢得好過白色波襪
利物浦對車路士：球場上一係藍衫，一係紅衫
（列斯領先2：1）領先緊一球就梗係同你死守，守住個勝果（領先一球就當然是跟你死守，守住勝果）
（紐卡素扳平2：2之後）拿，呢個就係打死守既後果（這就是打死守的後果了）
阿仙奴開波幾分鐘就入波，好打好多（開球幾分鐘就進球，接下來容易踢得多）
（被追和後）我都話，太早入波未必好架，因為有大把時間比人追丫嘛（我早說了，太早進球不一定好，因為太多時間給對手追回）
哎呀！倒掛鳩勾！
百步穿揚即係跑左一百步之後射入咁解（百步穿楊的意思就是跑了一百步之後射門進球）
（半場休息時有打鼓表演）呢班人擊鼓，唔係鳴怨嘛（這些人擊鼓，不是鳴冤吧？）
我覺得利物浦仲有2個機會去追平，就係「渺茫」同埋「冇」（我覺得利物浦還有兩個機會去追平，就是渺茫和沒有）
碧咸係一個得隻右腳o既球員（貝克漢是一個只有右腿的球員）
準決賽梗係重要過決賽啦，因為贏唔到準決賽又邊有得打決賽呢！（準決賽當然比決賽重要，因為贏不了準決賽又怎麼進決賽呢）
球波唔夠頭先我食果條蕉咁彎（這一球不夠我剛才吃那條香蕉彎）
車路士班主艾巴謙莫域（正解：艾巴莫域治）
2004年6月19日，黃興桂批評︰「捷克目前並非全無弱點，前鋒巴路士雖然有活力、具速度，可惜太過個人主義，踢法跟球隊格格不入，第一場比賽全因他在前線扭失波，令隊友回防不及才引致球隊落後，如果捷克想在今屆比賽有所突破，棄用巴路士或是明智之舉。」；2004年6月21日卻盛讚︰「捷克陣中最令人眼前一亮的球員是巴路士，這位在利物浦長居後備的射手，已證明有實力在國際舞台立足，令過往批評他的人大跌眼鏡。」