熱鬧恭賀新界西白鴒皇室誕生

張立德 · 發表於 2012-5-22 13:04:54

..蔡耀昌大熱戰新東仁哥轉選超級區議會
.-A+A.明報 – 7小時前.
........【明報專訊】由街工過檔嘅民主黨區議員尹兆堅，早前代表民主黨同街工爭超級區議會議席爭到出晒面，不過，原來佢近日已決定唔選超級議席，原選新西直選嘅主席何俊仁將會頂上。民主黨喺新東亦會派出第3隊，據了解，支聯會副主席蔡耀昌將係出選熱門。

尹兆堅唔選「超級」

民主黨噚日舉行特別黨團會議，收集黨員對選舉變陣意見。選舉委員會主席楊森噚日透露，尹兆堅已喺上禮拜表達「退選」超級議席意願。佢引述尹兆堅話，雖然重視傳承，但亦想顧全大局，認為其他人選可能當選機會較大，而屋企問題亦係佢退選因素之一。

仁哥本來出選新西，尹兆堅唔選，家就好可能要轉選超級，咁樣會唔會擔心新西會少咗個議席？民主黨有人就話，仁哥同當區區議員陳樹英票源好重疊，應該接得穩仁哥啲票，唔怕拎唔番兩席喎。

楊森噚日透露，民主黨喺新東除咗副主席劉慧卿同黃成智，將派第3條隊出選。據了解，北區地區人士李永成、梁家裕同蔡耀昌（九哥）都係熱門人選。九哥噚日接受查詢時話，黨內未有最後定案，唔多講喇。民主黨下禮拜再舉行諮詢會，到時會收集黨員意見。

來源: http://hk.news.yahoo.com/蔡耀昌大熱戰新東-仁哥轉選超級區議會-211731452.html

張立德 · 發表於 2012-5-22 13:09:16

夫妻同當選一區的立法會議員，是實施直選以來首次。
真的是高達與陳女士真的是「天皇」與「天后」了。

說回正事，如果鐵頭仁出戰超級區議員，恐怕白鴿未必會好穩。
新東開三條隊，第三條隊欠缺穩陣的基礎，應該會不行。

尹某人的興衰，是樹大招風，一來他與街工的宿怨，會影響他的形象。
二來尹某人入黨的日子淺，黨齡、資歷高過他的大有人在。