東涌論壇變批鬥大會

那塔拉丹鳳

關注東涌規劃問題嘅「東涌社區發展陣線」，噚日舉辦立法會選舉論壇，邀請咗16 張新界西候選名單候選人出席。點知民建聯譚耀宗、工聯會麥美娟同新民黨田北辰等建制派全部唔到，得公民黨余若薇（Audrey）同民主黨林立志等泛民唱獨腳戲。可能因為無建制派在場，當提到領匯商場物價高企等問題時，台上台下一致歸咎支持領匯上市民建聯同工聯會，令兩粒幾鐘論壇儼如批鬥大會。

Audrey 率先發炮，批評民建聯2008 年反對立法會就回購領匯嘅動議，又話泛民就算上街反領匯，行到身水身汗，一樣無補於事。街工黃潤達接力，話東涌居民飽受交通費貴之苦，但工聯會就放棄要求政府實行交通津貼「雙軌制」。社民連曾健成更話，現時政府有足夠盈餘回購領匯，但因保皇黨「出賣港人」而無法成事咁話。

論壇噚日有段小插曲，話說司儀讀出缺席候選人名字時，將民主黨陳樹英講成「陳樹英先生」，獨立嘅何君堯就變嘅「何君堯小姐」。睇嚟佢地兩位都要努力增加知名度喎。

來源:Facebook專頁

鈕祜祿易鋒

印象中民主黨也有份支持上市

那塔拉丹鳳

宋言月 發表於 2012-8-11 02:08
印象中民主黨也有份支持上市

有嗎??我覺得沒有印象= ="