旅行都要環保? 「綠色旅遊」

索額圖

http://www.travelqna.org/travel/?p=13134


相信大部分人都同我一樣鍾意去旅行，返工就等放假，工餘時間就plan吓去邊度玩。每次去親書局都會攞幾本旅遊書睇睇，唸吓下次去邊度旅行，所以放旅遊書個位通常都人山人海。

好多人去旅行都會想見識吓，休息吓同埋要嘆吓。但係有無人唸過去得多旅行都會加速咗好多環境問題呢? 如地球暖化，各種污染及破壞生態環境等。所以我而家計劃去旅行時，除左錢，假期之外，環保亦要考慮埋。

近年來唔同環保團體，環保人士及學者都經常提綠色旅遊。呢個idea要好以幾有 “Gimmick”，都可能有D吸引力。不過有幾多人知道咩嘢叫做綠色旅遊呢? 我相信都唔係好多人知。有人以為去綠色既地方遊覽吓就係，亦有人認為參加生態旅遊就係，但有時我地參加生態旅遊或遊覽綠色既地方都可以好唔環保，對環境造成破壞。所以藉此同大家分享吓自己對綠色旅遊的睇法同經驗。

綠色旅遊係一種態度，即旅遊人士有冇係自己既旅遊過程中減低對環境既負面影響。綠色旅客會選擇合乎環保的產品、旅遊地點及服務以減低自己在旅遊期間對環境的影響。舉一個最簡單既例子，大家會唔會帶購物袋去日本新宿shopping (用少D膠袋或紙袋? 又或者會唔會帶自己私貨碗筷去快餐店用膳以減少用即棄餐具? 呢D小小行為可能大家係自己居住既地方會做，但一去到旅行就將呢D行為就拋諸腦後。今次講到呢度，下個星期同大家介紹吓點樣去選擇一D環保既旅遊產品及服務。 待續

係香港，我地實在好難分辨甚麼旅遊服務及產品係比較環保。因為並唔係有好多指引比到消費者作參考。反而我哋成日遇到D掛羊頭，賣狗肉既旅遊公司，實在令到消費者極之頭痛。其實歐美已經有好多認證比環保既產品及服務。例如，我哋可以選擇幫襯一D攞咗環保認證既企業。其中一個環保認證係ISO14001環境管理體系認證。

若企業獲得這個環境管理體系認證即證明呢間公司係公司管理過程中已採立一係列環保措施以減低對環境的負面影響。但這個環境管理體系認證並不是受到旅遊業界的重視。並不是很多旅遊相關業務參與這個認證體系以證明公司注重環保。不過當我哋選擇酒店或旅行社等服務時，有參與ISO14001既企業總比無認證個D環保。下次再同大家介紹一個關於旅遊業介的環保認證。