祭神祭天祭祝神歌IIII

鈕祜祿端敏

背燈祭初次向神鈴頌神歌祈請辭
ᠵᡝ᠈ ᡳᡵᡝᡥᡠ ᠵᡝ ᠨᠠᡵᡥᡠᠨ᠈ ᡠᠴᡝ ᡶᠠ ᠪᡝ ᡩᠠᠯᡳᡶᡳ ᠰᠣᠯᡳᠮᠪᡳ ᠨᠠᡵᡥᡠᠨ᠈ ᠮᡠᠴᡥᡝᠨ ‍ᡳ ᠰᡠᡴᡩᡠᠨ᠈ ᠵᡠᠨ ‍ᡳ ᡨᡠᠸᠠ ᠪᡝ ᡤᡳᡩᠠᡶᡳ ᠰᠣᠯᡳᠮᠪᡳ ᠨᠠᡵᡥᡠᠨ᠈ ᠰᠣᠯᡳᡥᠠ ᠪᡝ ᡩᠠᡥᠠᠮᡝ᠈ ᡩᡝ ᠸᠠᠰᡳᡴᡳ ᠨᠠᡵᡥᡠᠨ᠈ ᠨᠠᡩᠠᠨ ᡩᠠᡳᡥᡠᠨ ᠨᠠᠩᡤᡳᡧᠠᠮᡝ ᠸᠠᠰᡳᡴᡳ ᠨᠠᡵᡥᡠᠨ᠈ ᠵᠣᡵᡤᠣᠨ ᠵᡠᠩᡤᡳ ᠵᠣᡵᡳᠮᡝ ᠸᠠᠰᡳᡴᡳ ᠨᠠᡵᡥᡠᠨ᠈ ᠣᡵᠣᠨ ᡥᠣᠩᡤᠣᠨ ᡩᡝ ᠣᡴᠰᠣᡶᡳ᠈ ᡝᠪᡠᡴᡳ ᠨᠠᡵᡥᡠᠨ᠈ ᠰᡳᡵᠠᠨ ᡥᠣᠩᡤᠣᠨ ᡩᡝ ᠰᡳᡧᠠᡶᡳ ᡝᠪᡠᡴᡳ ᠨᠠᡵᡥᡠᠨ
哲，伊哷呼，哲，納爾琿，掩戶牖以迓神兮，納爾琿，肅將迎兮侑座以俟，納爾琿，秘以祀兮幾筵具陳，納爾琿，納丹，岱琿，卓爾歡鐘依，惠然臨兮，納爾琿，感於神鈴兮來格，納爾琿，蒞於神鈴兮來歆，納爾琿。

二次搖神鈴頌神歌禱詞
ᠨᡩᠠᠨ ᡩᠠᡳᡥᡠᠨ᠈ ᠨᠠᡵᡥᡠᠨ ᡥᡳᠶᠠᠨᠴᡠ᠈ ᠵᠣᡵᡤᠣᠨ ᠵᡠᠩᡤᡳ᠈ ᠵᡠᡵᡠ ᠵᡠᡴᠯᡝᡥᡝᠨ᠈ ᡨᡝᡵᡝ ᠠᠨᡳᠶᠠᠩᡤᠠ ᠣᠰᠣᡴᠣᠨ ᠪᡝᠶᡝ᠈ ᡨᡝᡵᡝ ᠠᠨᡳᠶᠠᠩᡤᠠ ᠣᠰᠣᡴᠣᠨ ᠪᡝᠶᡝᡳ ᠵᡠᠯᡝᡶᡠᠨ ᡤᡳᠩᠨᡝᠮᠪᡳ᠈ ᡠᠵᡠ ᡩᡝ ᡠᡴᡠᡶᡳ᠈ ᠮᡝᡳᡵᡝᠨ ᡩᡝ ᡶᡝᡥᡠᡶᡳ᠈ ᠵᡠᠯᡝᡵᡳ ᡩᠠᠯᡳᠮᡝ᠈ ᠠᠮᠠᠯᠠ ᠠᠯᡳᠮᡝ᠈ ᡠᡵᡤᡠᠨ ᠰᠠᡳᠨ ‍ᡳ ᠠᠴᠠᠪᡠ᠈ ᡠᠵᡠ ‍ᡳ ᡶᡠᠨᡳᠶᡝᡥᡝ ᡧᠠᡵᠠᠮᠪᡠ᠈ ᠠᠩᡤᠠ ‍ᡳ ᠸᡝᡳᡥᡝ ᠰᠣᡵᠣᠮᠪᡠ᠈ ᠠᠨᡳᠶᠠ ᠠᠮᠪᡠᠯᠠ᠈ ᠰᡝ ᠯᠠᠪᡩᡠ᠈ ᠵᠠᠯᡤᠠᠨ ᡤᠣᠯᠮᡳᠨ᠈ ᡶᡠᠯᡝᡥᡝ ᡧᡠᠮᡳᠨ᠈ ᡝᠨᡩᡠᡵᡳ ᡝᡵᡧᡝᠮᡝ᠈ ᠸᡝᠴᡝᡴᡠ ᠸᡝᡥᡳᠶᡝᠮᡝ᠈ ᠠᠨᡳᠶᠠ ᠰᡝ ᠪᡝ ᠠᠮᠪᡠᠯᠠ ᠪᠠᡥᠠᠪᡠᡴᡳ
納丹，岱琿，納爾琿，軒初，卓爾歡，鐘依，珠嚕，珠克特亨，某年生小子，某年生小子（為某人祭則呼某人本年生），今敬祝者：
豐於首而仔於肩，衛於後而護於前，畀以嘉祥兮，齒其兒而發其黃兮，年其增而歲其長兮，根其固而身其康兮，神兮貺我，神兮佑我，永我年而壽我兮。

三次向神鈴頌神歌祈請辭
ᠵᡝ᠈ ᡳᡵᡝᡥᡠ ᠵᡝ ᡤᡠ ‍ᡳ ᡧᠣᠩᡴᠣᠨ᠈ ᡨᡠᠰᡝᡵᡤᡝᠨ ᡩᡝᡵᡝ ᠪᡝ ᡨᡠᡴᡳᠶᡝᡶᡳ ᠰᠣᠯᡳᠮᠪᡳ᠈ ᡤᡠ ‍ᡳ ᡧᠣᠩᡴᠣᠨ᠈ ᡧᡠᡶᠠᠩᡤᠠ ᡧᡠᠰᡠ ᠪᡝ ᠰᡳᠨᡩᠠᡶᡳ ᠰᠣᠯᡳᠮᠪᡳ᠈ ᡤᡠ ‍ᡳ ᡧᠣᠩᡴᠣᠨ᠈ ᠰᠣᠯᡳᡥᠠ ᠪᡝ ᡩᠠᡥᠠᠮᡝ᠈ ᠰᠣᠣᡵᡳᠨ ᡩᡝ ᠸᠠᠰᡳᡴᡳ᠈ ᡤᡠ ‍ᡳ ᡧᠣᠩᡴᠣᠨ᠈ ᡨᡠᡳᠪᡠᡥᡝ ᠪᡝ ᡩᠠᡥᠠᠮᡝ᠈ ᡨᡠᠰᡝᡵᡤᡝᠨ ᡩᡝ ᠸᠠᠰᡳᡴᡳ᠈ ᡤᡠ ‍ᡳ ᡧᠣᠩᡴᠣᠨ᠈ ᠠᠰᡥᠠ ᡩᡝᡨᡥᡝ ᠪᡝ ᠠᠴᡳᠩᡤᡳᠶᠠᠮᡝ ᠸᠠᠰᡳᡴᡳ᠈ ᡤᡠ ‍ᡳ ᡧᠣᠩᡴᠣᠨ᠈ ᠰᡳᡵᡝᠨ ᠰᡳᠰᡥᠠ ᡩᡝ ᠰᡳᠰᡥᠠᠮᡝ ᠸᠠᠰᡳᡴᡳ᠈ ᡤᡠ ‍ᡳ ᡧᠣᠩᡴᠣᠨ
哲，伊哷呼，哲，古伊雙寬，列幾筵兮以敬迓，古伊雙寬，潔粢盛兮以恭筵，古伊雙寬，肅將迎兮盡敬，古伊雙寬，秘以祀申虔，古伊雙寬，乘羽葆兮陟於位，古伊雙寬，應鈴饗兮降於壇，古伊雙寬。

四次搖神鈴頌神歌禱詞
ᡥᡠᠯᠠᡵᠠ ᡝᠨᡩᡠᡵᡳ᠈ ᠰᠣᠯᡳᡵᡝ ᡶᡳᠰᡠᠨ᠈ ᠠᠩᡤᠠᠩᡤᠠ ᠸᡝᠴᡝᡥᡝ᠈ ᠠᠮᠪᠠᠰᠠ ᠵᡠᡴᡨᡝᡥᡝ᠈ ᡨᡝᡵᡝ ᠠᠨᡳᠶᠠᠩᡤᠠ ᠣᠰᠣᡴᠣᠨ ᠪᡝᠶᡝ᠈ ᡨᡝᡵᡝ ᠠᠨᡳᠶᠠᠩᡤᠠ ᠣᠰᠣᡴᠣᠨ ᠪᡝᠶᡝᡳ ᠵᡠᠯᡝᡶᡠᠨ ᡤᡳᠩᠨᡝᠮᠪᡳ᠈ ᡠᠵᡠ ᡩᡝ ᡠᡴᡠᡶᡳ᠈ ᠮᡝᡳᡵᡝᠨ ᡩᡝ ᡶᡝᡥᡠᡶᡳ᠈ ᠵᡠᠯᡝᡵᡳ ᡩᠠᠯᡳᠮᡝ᠈ ᠠᠮᠠᠯᠠ ᠠᠯᡳᠮᡝ᠈ ᡠᡵᡤᡠᠨ ᠰᠠᡳᠨ ‍ᡳ ᠠᠴᠠᠪᡠ᠈ ᡠᠵᡠ ‍ᡳ ᡶᡠᠨᡳᠶᡝᡥᡝ ᡧᠠᡵᠠᠮᠪᡠ᠈ ᠠᠩᡤᠠ ‍ᡳ ᠸᡝᡳᡥᡝ ᠰᠣᡵᠣᠮᠪᡠ᠈ ᠠᠨᡳᠶᠠ ᠠᠮᠪᡠᠯᠠ᠈ ᠰᡝ ᠯᠠᠪᡩᡠ᠈ ᠵᠠᠯᡤᠠᠨ ᡤᠣᠯᠮᡳᠨ᠈ ᡶᡠᠯᡝᡥᡝ ᡧᡠᠮᡳᠨ᠈ ᡝᠨᡩᡠᡵᡳ ᡝᡵᡧᡝᠮᡝ᠈ ᠸᡝᠴᡝᡴᡠ ᠸᡝᡥᡳᠶᡝᠮᡝ᠈ ᠠᠨᡳᠶᠠ ᠰᡝ ᠪᡝ ᠠᠮᠪᡠᠯᠠ ᠪᠠᡥᠠᠪᡠᡴᡳ᠉
籲者惟神，迓者斐孫，犧牲既陳，奔走臣鄰，某年生小子，某年生小子（為某人祭則呼某人本年生），今敬祝者：
豐於首而仔於肩，衛於後而護於前，畀以嘉祥兮，齒其兒而發其黃兮，年其增而歲其長兮，根其固而身其康兮，神兮貺我，神兮佑我，永我年而壽我兮。