哇~終於親眼見識到中共領導人的威風~

諸葛毅弘 · 發表於 2011-8-16 17:10:59

哇~今日是否好似就係李克強訪港的大日子呀?+:疑惑=+:
話說頭先我就係油麻地落車,諗住行番屋企la,點知竟然見到成街都係警察,+:擦擦汗=+:
震撼ge埸面就係依刻同時出現!+:怎麼可能=+:
可能係我大驚小怪,不過我真係第一次見十幾架鐵騎同時呼嘯而過,之後仲有幾十架分組咁向幾路進發,超型!+:三八萌=+:
而跟住d交通警後面仲有果d我淨係"IQ博士"入面見過ge車頂有警號燈ge私家車,同埋幾架小型警車,+:推眼鏡=+:
之後係眾車擁戴下,一架插著一支旗的房車才施施然出現,超有氣派!+:帥=+:
後面仲跟住一架旅遊巴,架旅遊巴成車都係d著中山裝呀,白裇衫ge人士,應該係內地的官員吧...+:裝可愛=+:
而殿後的就又係幾十架鐵騎,多架車頂有警號燈ge私家車同幾架小型警車等等等...+:驕傲=+:
一句講哂:哇~終於親眼見識到中共領導人的威風~+:微笑=+:

鈕祜祿易鋒 · 發表於 2011-8-16 17:17:29

講真,四五千話多唔多話少唔少,我建議你上大陸搞生意,香港已經冇咩發展空間喇.你先去買兩張廣州直通車飛,就400蚊,再去信和買1000蚊咸碟,同佢講大量買打個折,應該買到50隻以上,要買鬼妹同日本妹的,唔好買其他,理由下面再講.

坐到上廣州你手上仲有100蚊,去買包雲煙5蚊,然後係車站旁邊睇下邊個蛇頭鼠眼,打個眼色比佢佢就知你想唱假人仔,90蚊唱500蚊番黎,同佢講要唱散唔要100蚊紙.唱完拎包煙出黎問佢食唔食,佢見你幫襯佢就有計傾,你打蛇隨棍上問下邊到賣咸碟好.

將淨低果5蚊打散,用1蚊搭巴士入城,搵佢講既地方.然後搵間士多買罐可樂,比唱番黎既假50蚊佢,找番47蚊真人仔,袋好準備最後用.

等到日落你就開始擺地攤,乜都唔洗,只要擺一塊黃布企係隔黎人地就知咩事.大陸憤青最憎架仔,暴發戶又媚外,你d架妹同鬼妹碟勁好賣.d碟唔係跟身,搵條後巷收好,有人黎就帶佢去收貨,一隻賣佢100蚊,一路賣一收收錢之餘一路將你d假人仔唱番晒出去.

賣完50隻,你應該已經賺到5000蚊,連埋你本身果47蚊+4蚊,已有5052蚊,你既利潤100%,冇野好搵得過咁.如是這你重複50,你既複利率收益已過億,可以買張武漢高鐵飛坐去溫州,用現金收購就黎執既廠,再請人造名牌手袋當真賣,不出3個月可翻10倍,到時應該有正牌注意到你,同你打官司,你就比5000萬個官庭外和解,跟住執左間廠,渣住9500萬番黎香港準備買殼股上市.

上市後洗人去蒙古做假新聞,話你間野挖到地下有稀土,即時炒起隻股,3日內再賺10倍,然後配股比基金佬配到自己既股份唔夠5%,你就正式引退, 求其捐1000萬比仁濟醫院拎個名人身份黎做,再洗100萬登7張報紙支持政改同起高鐵,等特區政府頒大紫荊比你.

最後一步,就係等,等咩野?等天災.你最後需要既係一個機會,一有大型天災係內地發生,你捐會副身家上去,然後係街執垃圾比香港傳媒影到,舉世讚美你,1年內就做人大.

做人大後你有得選舉共產黨既常委,選自己,呢個時候唔好忘記你當初留低既47蚊+4蚊,去搵萬里,佢係中共前朝唯一未死既大佬,你拎呢52蚊出黎話係你全副身家,佢會深受感動,重拾共產黨當年起義既激情,結果拉人隊幫拖投你,以佢既影響你你足到被委任為黨主席,去到呢步,唔洗再講啦...